من ابداعات احمد فؤاد نجم

يا شعبى حبيبى

يا روحى يا بيبى

يا حاطك فى جيبى

يا ابن الحلال

يا شعبى يا شاطر

يا جابر خواطر

يا ساكن مقابر

وصابر وعال

يا واكل سمومك

يا بايع هدومك

يا حامل همومك

وشايل جبال

يا شعبى اللى نايم

وسارح وهايم

وفى الفقر عايم

وحاله ده حال

احبك محشش

مفرفش مطنش

ودايخ مدروخ

واخر انسطال

احبك مكبر

دماغك مخدر

ممشى امورك

كده بالتكال

احب اللى ينصب

واحب اللى يكدب

واحب اللى ينهب

ويسرق تلال

واحب اللى عارف

ومن ظلمى شايف

وساكت وخايف

وبالع لسان [justify]