ليسو هؤلاء فقط هم النوبيين

بسم الله الرحمن الرحيم

ابتدى كلامى بكلمة انا نوبى

وبقوللها بكل فخز واعتزاز

وببتدى بيها لانك بتقوللها لاى حد بيسالك انت من فين

وبترد عليه انت انا نوبى

واول ما تقول انا نوبى

اللى بييجى فى بال اللى قدامك كام حاجة

اولا انك امين وطيب وقلبك صافى وابيض

ثانيا محمد منير

ثالثا ان اسمك يا اما عثمان يا اما مرجان حتى لو بنت

برضه اسمها عثمان

هههههههههههههههههههههههههه

رابعا ان العربى بتاعك مش بس مكسر ؟

ده عربى مدشدش

على طريقة على الكسار

خامسا انك بتحب الرقص والغنا زى عينيك

لان كل اللى يعرفوه عن النوبة انهم ناس لابسين جلابية قصيرة وسروال

وسيديرى ملون وطاقية ملونة ( يعنى نفس اللبس بتاع بكار )

بيجمعو بعض رجالة على حريم وشباب على بنات ويقعدو يرقصو

بالضبط زى ما بيشوفو فى الافلام

الافلام مابتجيبش اى حاجة عن النوبة الا الرقص والغنا

24 ساعة بنرقص ونغنى

من غير اكل او شرب او مذاكرة ولا فرجة على التلفزيون حتى

التلفزيون بينقل عنا فكرة مش مظبوطة يا اخوانا

مش دى بس

التلفزيون بيجيب النوبيين يا اما خدامين يا اما شفرجية يا اما سواقين

زى بالظبط ماهى اى شغالة فى نظر التلفزيون لازم يكون اسمها سعدية واى سواق يبقى اسمه عبده

انا معاكو ان كتير منا بيشتغل اى حاجة عشان لقمة عيشه

بس مش كل النوبة خدامين

زى بالظبط كان فيه فيلم بتاع احمد ادم كان اسمه ولا فى النية ابقى

الفيلم ده اترفع ضده قضايا واتبهدل كل اللى كانو شغالين فيه

بسبب الاسم

الفيلم كان اسمه ولا فى النية ابقى فلبينية

قامت سفارة الفلبين رافعة قضية على الفيلم بسبب ان الفيلم بيسئ للشعب الفلبينى

وان الفلبين مش كللها خدامين فى بيوت

ليه ؟

مافيش دكاترة ومهندسين ووزرا ولاعيبة وكل المهن

راحت الخارجية المصرية باعته جواب اعتذار للسفارة

واتغير اسم الفيلم

شقتو المبدا ؟

كل الصورة اللى واخدها القاهريين عن لنوبيين مش مظبوطة يا اخوانا

انا بكلمكو عشان نعمل ايه نغير الصورة اللى واخدنها عننا دى ؟

وايه رايك فى اللى انت بتشوفه ده ؟

وليه تفكير النوبيين مابيكونش فى الوظايف المرموقة

ليه النوبة مايبقاش عندها على الاقل 10 او 15 الدكتور مختار خليل كباره

تعالو مع بعض كده نعرفايه الاسباب فى الكام سوال دول

و ايه المفروض نعملله عشان نغير صورتنا ليهم