ما تسيبناش وتسافر

اولا انا مبسوط جدا جدا من المجهود الممتاز والشغل العالى جدا جدا من القائمين على الموقع

واحب احى واشكر كل من ساهم فى احياء موقع فريج وان شاء الله دايما

للامام يا فريج ومن حسن لاحسن ان شاء الله بفضل شبابك

الموضوع اللى عايزكو تبدو رايكو فى معايا هو موضوع يعتبر حلم لكتير جدا من الشباب عامة

وهو الغربة وحلم السفر للخارج وتحقيق كل اللى تتمناه ان شاء الله بس فى كلمة احب اقولها

ان فى ناس كتير جدا بتروح بدون اى ضمانات وتغامر بنفسها وكل همها انها تسافر وبس

اذا كان الشغل كويس او غيره بقى مش مهم بس الناس عايزة تجرب حظها وبس

وفى طبعا كذا عامل يخليهم يفكرو اولا فى السفر اولها المظاهر الكدابة اللى بيشوفوها من شبابنا

اللى فى الخليج وبينبهرو بيها سواء الشباب او البنات والكلام ده رسخ فى عقولهم ان السفر

هو الحل من كل المشاكل اللى بيعانو منها وطبعا مش الشباب بس اللى شايفين كده

ده البنات كمان معظمهم شايفين ان ابن الحلال اللى بره احسن 100 مرة من اللى فى مصر

على الاقل هيجيبلها شقة فى فيصل وشبكة ب 10000 جنيه وفرح محمد فوزى وهكذا

وكل ده بيضغط على الشاب اكتر واكتر فى تسبيت فكرة الغربة فى دماغه

مع ان الاحوال فى الخارج مابقتش زى الاول ابدا والكل يشهد بده وفى شباب كتييييييير قوى

كان فى دماغهم الموضوع ده وسافرو بالفعل بس ناس كتير جدا ماستريحش ورجعت بسرعة

ليه ؟

لانهم مااستريحوش هناك عرفو ان الحياة هناك مش ضحك ولعب وفلوس وعرفو ان اللى بيشوفوه

من الشباب اللى بتنزل مجرد مظاهر وبعيد شويتين عن الواقع وفاقو على الحقيقة المرة

واتمنى من الشباب الاجابة ليه السفر هو الحل

ومعلش انا اسف فى الكلمة للبنات

ليه التفكير كله بقى فى الماديات وبس مع احترامى للجميع طبعا وان مش كل الناس زى بعضها

بس هو ده الشايع